2023 жылғы 19 мамырда Сарыағаш қаласында М. Шоралы мәдениет үйінде “Ауыл шаруашылығы дақылдарын өсірудің тиімді жолдары” агрофорумы өткенін қуана хабарлаймыз.
Агрофорум фермерлер, ауыл шаруашылығы кәсіпкерлері және барлық мүдделі тұлғалар үшін ауыл шаруашылығы дақылдарын өсірудің заманауи технологиялары мен инновациялық тәсілдері туралы білуге бірегей мүмкіндік ұсынды.
Іс-шара аясында ауыл шаруашылығы өнімдерін жеткізушілердің көрмесі ұйымдастырылып, қатысушылар осы саладағы соңғы жетістіктерімен танысты.
Біздің қонақтарымыз-агроөнеркәсіптік компаниялардың өкілдері өз өнімдерін таныстырып, ауыл шаруашылығындағы жобаларды қаржыландыру бойынша құнды кеңестерімен бөлісті. “Тұқымдарды дұрыс таңдау”, “Ауыл шаруашылығындағы суды үнемдейтін технологиялар” және “Тыңайтқыштар мен өсімдіктерді қорғау”, «Жылыжайлар және жылыжайды жылытудағы жаңа технологиялар» сияқты маңызды тақырыптар талқыланды. Аграрлық ғылым мен өндірісте мол тәжірибесі бар ғалымдар өз білімдері мен тәжірибелерімен бөлісті.
Іс-шараға 170-тен астам адам қатыстып, жақын арада жарияланатын осы агрофорумның пайдалылығын, тиімділігін атап өткен кері байланыспен бөлісті. Біз қатысушылардың білім мен тәжірибе алуға деген қызығушылығы мен талпыныстарын көргенімізге қуаныштымыз.
Агрофорумның басты мақсаты озық технологиялармен және өзекті біліммен таныстыру арқылы ауыл шаруашылығындағы бизнес-процестерді жеңілдету болды. Іс-шара қатысушыларға ауылшаруашылық кәсіпорындарын тиімдірек және табысты етуге көмектесті деп үміттенеміз. Іс-шара соңында бағалы сыйлықтар ұтыс ойыны өтті.