2024 жылдың алғашқы айының аяқталуын жарқын іс-шарамен атап өттік! Назарларыңызға демалыс күндері өткен KMF және KMF-Демеу қызметкерлерінің балаларына арналған FINBOSS қаржылық сауаттылық сабақтары туралы қызықты бейне есепті ұсынамыз. Сабағымыздың қаншалықты қызықты өткенін қараңыз! Оны екі тілде – қазақ және орыс тілдерінде өткіздік.
Бас бизнес-тренер Әлия Шарипова балаларға еркін форматта ақшаның қайдан шыққандығы, оны қалай дұрыс пайдалану керектігі және алаяқтардан қалай қорғану керектігі туралы айтып берді. Балалар сабаққа белсенді қатысты, сұрақтарға жауап беріп, біздің балаларға арналған арнайы валютамыз – финбоссиктерді тапты, ал содан кейін тапқан ақшаларына FINMARKET-те әр алуан пайдалы керек-жарақтар сатып алды. Сабақтан соң балалар KMF бас кеңсесін аралады, call-орталықтың жұмысымен танысты, клиенттерге қалай қызмет көрсетілетінін, цифрлық жобалардың қалай жасалатынын тамашалады, IT қызметкерлері мен әзірлеушілер қалай демалатынын көрді, сонымен қатар ең үлкен әрі заманауи келіссөздер бөлмесіне бас сұқты.
Енді балалар ата-аналарының қайда жұмыс істейтінін біледі! Жалпы, бұл шарадан балалар да, үлкендер де тамаша әсер алып қайтты! Балдырғандар мен олардың ата-аналарына атсалысқандары үшін алғыс айтамыз! Ал сіз балаңыздың келесі жолы FINBOSS қаржылық сауаттылық сабағына қатысқанын қалайсыз ба?